Ka Seng Khasi daw yoh ko ya ka Indigenous Cultural Centre ha Mawkhar, wei yeini da pyntip da u Montri Rangbah ka jylla, u Conrad K Sangma ha ka sngi wa pynkut ya ka Shad Suk Mynsiem ynnin ka sngi.
U Conrad da ong u neiliang ka sorkar da mang ko ya ka song poisa kawa Rs. 15 klur wow kyrchaan ya ka Seng Khasi Kmie yow chna ya ka Indigenous Cultural Centre ha Mawkhar.
Kani ka Indigenous Cultural Centre daw man ko ka thaw wow pynneh pynsah wei wow pynku ya ka riti dustur ka jaitbru wei daw booh mooyurim ha u Naisan yow sdang noh yei kreh.
Heiyatoh wa ka Madan Weiking, u Conrad da ong u wa hei sñiaw yong oo samen toh u chna pynbha næ pynthymme ya ka neibhah wa man ko kawa kyrpang neibhah kiwa uiñke suwari leh wan tooid ki cha kani ka madan wei da emkaam wow pynheh yei thaw chong ki paidbah.
Da pyntip u wa yeini daw yaklam wa ka Organizing Committee yong ka Seng Khasi Kmie wei wow yasyllok neibynta wow ya krehlang yow ye u pynbha yei kreh ya ka Madan Weiking.
Da ong u wa i kyrchaan ka sorkar jylla ym mut du ya ka Seng Khasi tangwa u pteiñ u kyrchaan ya waroh ki jaitbru kiwa em i thrang wow pynneh pynsah wei kyntu ya ka dustur riti wei da pynkynmoo u wa ini wa dep da e yarap Rs. 50 lak neibynta ki Karbi wa em ha Meghalaya wow chna ya ka Culture Centre wei daw yarap leh ya ki Rabha, Kooch wa ki Hajong.
Puræ leh: Dang pyrkhat ka sorkar wow phah puræ ya ka ktien Khasi wa Garo ha waroh ki skur: Conrad
Discussion about this post