Rs. 18.85 klur chah tooh ka Punjab National Bank hapoh 10 minit

I chah tooh Bank wa heh dooh hapoh ka jylla Manipur da jia i ynnin i janmiet heiwa ki bru kiwa da tymmoh yei khmat wei kiwa rah tiar yasiat da lute ki Rs. 18.85 klur naka Punjab National Bank (PNB) Ukhrul Branch.

Ini da jia i hei janmiet heipor 5:40 heiwa kini ki bru wa em kamwa 8-10 ngut kiwa rah suloi AK kiwa da riam kam ki chipai da psiah ki chapoh kani ka Bank deiwa ksoh wei kdoh nynkong ya u Security Guard wa yang hakhkmat wei ka Bank toh kawa da khang Shutter nakhmat heiwa kiwa kreh hapoh toh kiwa dang niaw poisa.

Manda psiah ki chapoh da pynyang suloi ki ya u Branch Manager deiwa phah wai yaka Bank Vault wei da yoh ki wow sai Rs. 18,00,85,000 du hapoh 10 minit donhi.

Ya kiwi kiwa kreh kani ka Bank da yah ki chapoh ka Store Room yow kset wei kdoh ki kamjooh ki Security Guard.

Related posts

Siat ki pulit ya uwa rahbor wei tynyap ya ka khynnah wa 11 snem

June 25, 2026

Tooh kawi ka bru yei sahchkoor ksiar ka khynnah wa dang 3 snem

June 24, 2026

Kani ka Bank toh kawa em ha Viewland-I hapyrdi wot ka chnong Ukhrul.

Neiliang ki pulit da pynjoor ki yei thooh ya kini ki bru wei da pynboon leh ya ki pulit ha kylleiñ ki thaw yow chem ya kini kiwa emkti.