Rs. 2 lak e ka Dorbar Chnong Namdong B cha u Damian S War kam ka dak wa kyrchaan pura ha ka Election

Ka Dorbar Chnong Namdong B da pynskem ko yei kyrchaan ya u Damian S War kam u kyrtong na 10-Mynsngat Khanduli Constituency deiwa e sñiawbha cha oo Rs. 2 lak.

Kani man ko leh kam wow pynyoo yei burom ya u Damian uwa man leh kam u waheh chnong ka Namdong B wei man ko leh kam wow pyn-eh-daw ya oo neibynta kani ka Election MDC kawa daw pynman ha ka 21 tarik uni u bnai.

Hei yahkhmat u Assistant Waheh Chnong, u A. Sumer, u Secretary Chnong, u R. Lipon wa ki dkhot ka Executive Committee, da pynlang kynchew ki da ka poisa kawa Rs. 2 lak yow e cha u waheh chnong u Damian S War uwa man leh u kyrtong yong ka UDP na Mynsngat Khanduli Constituency kam ka dak wow pynskem chooh chooh yei kyrchaan wa pura.