Ka Dorbar Chnong Caroline Colony, Jowai lyngba ka kyrwoh na ka Secretary Fete & Entertainment Committee, ka A.M.Q. Lyngdoh, da pyntip ko wa ha ka 24 tarik uni u bnai da pynlait paidbah ya ki Ticket Lucky Draw yong ka Fete ka chnong ka wow man ha ka 6 tarik u December 2024, kam chibynta wow pynmih poisa ya ka skur miet yong ka chnong, ka Caroline Colony Evening School, Jowai.
U kongsan ha kani ka sngi, toh u Jlankupar Rymbai, u waheh chnong ka Dorbar Chnong Lumpariat, Jowai, uwa man leh heijooh i por u President ka Synjuk Ki Waheh Chnong Jowai, wei da pynlai ya ka yalang da u K. Dkhar, Chairman ka CCYWO, uwa da pdiang sñiawbha leh ya u kongsan wa kiwa emlang waroh.
Da yoh leh yei klam na u waheh chnong ka Dorbar Chnong Caroline Colony, u E. Lyngdoh, uwa da kyntu ya kiwa chong chnong wow ya krehlang ki hei wow pynlai paidbah ya kini ki Ticket khnang yow yoh u pynku ya kani ka skur miet wa ya ka chnong hi waroh kawi.
U kongsan, hawa e u yei klam yong oo da a khublei u ya ka dorbar chnong kawa da seiñ ya ka skur miet kawa man kam ka laad yarap cha kiwa chong chnong kiwa emkaam yarap wei kamjooh leh da kitbok kitrwiang u ya ka dorbar chnong waroh kawi wow man ka Fete yong ka chnong kawa lai bait lai ryntih wei kawa jop.
Khaddooh da yoh ya ki kyntien e khublei na u Y. Lyngdoh, Convener Lucky Draw, Fete & Entertainment Committee yong ka dorbar chnong wei da pynwai ya ka yalang da u Chairman.
Ki Prize kani ka Lucky Draw man ki kamni:
1st Prize: Rs. 1,20,000
2nd Prize: Rs. 50,000
3rd Prize: Rs. 30,000
I dor Ticket toh Rs. 20 chi sla wa Rs. 200 chi book.
Discussion about this post