U Chief Minister ka jylla, u Conrad K. Sangma da ong u wa ka sorkar da pynkhreh ko wow pynbait yei su tulop ya kiwa sikai SSA wa Adhoc nadooh ka 1 tarik u April 2026, heiwa daw pynlut sa Rs 200 klur chi snem. Da pyntip u leh wa nachwa jooh pynlut ka sorkar Rs. 600 klur ya kiwa sikai Lower Primary wa Upper Primary School heiwa da rai wow pynku ya ka da 3%.
Da khana u wa kattu daw pynlut noh sa Rs. 800 klur chi snem heiwa daw myntoi ki 23,007 ngut kiwa sikai.
Chooh chooh da ong u wa i rukom pynlai ya ki skur ha Meghalaya man iwa kylleiñ bha heiwa em ki skur sorkar, skur SSA, Adhoc wa kiwa pynlai da ki bru samen næ ki seiñ kamjooh ka chnong.
Da khana u wa 90% toh ki skur Adhoc wa Deficit wei kini toh kiwa pynlai da ki bru samen wei ymtoh da ka sorkar wei ka sorkar da e yarap ko ya ki wei ymtoh wa pynlai ko ya ki.
Da ong u wa kat dang lai i por ini i yarap wan i hei dur ka tulop iwa wanrah won leh yei yooluti wei hanla kattæ ka sorkar sñiawthooh ko yei eh i khor wa chem kiwa sikai.
Heijooh i por da pynrap u wa ka Meghalaya em ko 55,000 ngut kiw sikai ha ki 14,000 tylli ki skur, wei ini phær i na waroh ha ka thaaiñ mihsngi.
Discussion about this post