U Montri Rangbah ka jylla, u Conrad K Sangma ynne hapoh ka yung dorbar chna aiñ da pyntip u wa da dep thung ya 124 ngut ki Consultant kiwa da kreh hapoh kiwa boon ki chnat neibynta ki kreh namo ki Project wa da pynkrehkaam hapoh ka jylla.
Yeini da jubab u Conrad yeiwa kylli ka MLA ka TMC, ka Miani D Shira heiwa da pyntip u wa da dep su Rs. 22.56 klur cha kini ki Consultant neibynta uni u snem mang tangka. Chooh chooh da pyntip u wa 59 ngut na kini ki Consultant toh kiwa kreh du neibynta ki Externally Aided Projects (EAP).
Ka Miani da kylli won ko chaphang kiwi ki 65 ngut ki Consultant ki wym em kreh hapoh ki EAP.
U Conrad da pynche u wa kini ki Consultant toh kiwa chemphang namo ki Technical Expert kiwa ye wow leh yei kaam wa da pynkit ha ki. Da ban joor u wa kini man ki kam ki Contractual Team of Experts ha ki jar jiar ki kaam wa kreh ki ha ki ar bynta kitæ ki Centrally Sponsored Scheme wa ki Externally Aided Projects.
“Ha waroh kini ki ar tylli ki jait kreh da booh hapoh ki kyndon wa emkaam wow em ki Consultant”, da pynche u Conrad deiwa pynrap wa emkaam sakhiat i yei stat wei chemphang kini ki bru wei da chaniah ya ki wow e buit.
Da khana u leh wa ka Meghalaya da yoh ko Rs. 132 klur neibynta ka “Unity” kawa da e poisa lyngba u Prime Minister ka ri cha waroh ki jylla wei da yoh ya kani neidaw wa da ye wow pyndep ya ki kreh hapoh 6 bnai wei yeni da ye wow leh du 3 tylli donhi ki jylla hapoh ka ri.
Da ong u wa da ye wow leh yeini deiwa biang i e buit kini ki Consultant kiwa da pynbiang ya ki Proposal deiwa smat yow yoh leh yaka poisa kamwa da booh por.
Discussion about this post