Ka Bharatiya Janata Party (BJP) man ko ka seiñ wa boon dooh i yoh poisa yarap namo ka Electoral Donations neibynta u snem 2023-24 deiwa yoh Rs. 2243.947 klur na ki 8,358 tylli ki e sñiawbha (Donations).
Ya ka BJP da bood sa ka Congress kawa yoh Rs. 281.48 klur na ki 1994 tylli ki e sñiawbha katkam ka bui (Report) wa e ka Association for Democratic Reforms (ADR).
Katkam ka bui da chem wa i yoh yarap ka BJP man i ynru chah deiwa kheiñlang yeiwa yoh ka Congress, AAP, NPEP wa CPI(M) ha u 2023-24.
Ki 10 ngut kiwa e sñiawbha wa boon dooh cha ki seiñ man ki kamni hawah:
1. Prudent Electoral Trust: Da e sñiawbha ko waroh Rs. 880 klur cha ka BJP waka Congress heiwa Rs. 723.6 klur cha ka BJP wa Rs. 156.4 klur cha ka Congress.
2. Triumph Electoral Trust: Da e ko Rs. 127.50 klur cha ka BJP.
3. Derive Investments: Da e ko Rs. 50 klur cha ka BJP wa Rs. 3.2 klur cha ka Congress.
4. Acme Solar Energy Pvt. Ltd.: Da e ko Rs. 51 klur
5. Rungta Sons Private Limited: Da e ko Rs. 50 klur
6. Bharat Biotech International Limited: Da e ko Rs. 50 klur
7. ITC Infotech India Ltd: Da e ko Rs. 80 klur
8. Dinesh Chandra R. Agarwal Infracon Pvt. Ltd.: Da e ko Rs. 30 klur cha ka BJP
9. Dilip Buildcon Limited: Da e ko Rs. 29 klur
10. Macrotech Developers Limited: Da e ko Rs. 27 klur
Discussion about this post