Rs. 38 klur ka dan wym em su ki Petrol Pump ka Meghalaya cha ka sorkar

Ka sorkar jylla da rai ko wow pynjem ya ka ram ki kattu katni ki tre Petrol Pump ki wym su cha ka sorkar jylla, kawa dapoi cha ka Rs. 35 klur wa kamwa Rs. 3 klur ka sut iwa mut waroh dapoi Rs. 38 klur.

Khnang wow pynsuk ya ki wow su ya ka sorkar, ka sorkar jylla da rai ko wow e laad yow su kajiak chisien næ ha i dur ka Instalment.

U Montri Rangbah, u Conrad K Sangma da ong u wa lyngba kani ka rai, ka sorkar da kyrmen ko wa ki tre Petrol Pump daw su ki ya katai ka ram kawa sah.

Kawi won ka rai yong ka sorkar toh hajrong ki Scheme kawa ka sorkar India e ko ya ka sorkar jylla hajrong ki koidi wa chem chitom wow su ya ka bai sumaar wa ka yakhun mukotduma heiwa kattu daw e yarap poisa ya ki.

Related posts

Rs. 4 lak pynlut ka manyung wow tlep burom ya ka kari kawa da yarap u pynhoi khih pynhoi khan

November 9, 2024

Beiñ ka NEHUTA yei lai yachem ki dkhot ka VPP wa VC ka NEHU

November 9, 2024

Sa kawi won toh wa i dor bai thaw ha New Shillong Township heiwa i dor wow e cha ki chnat sorkar daw yaphær ko na ki chnat sorkar India.

Chooh chooh ka sorkar da pynbait ko leh yow pynsmat yei rukom thung kreh deiwa booh dei por wow pyndep nadooh wa pynmih Advertisement hadooh i pynbna ya kiwa yoh kreh heiwa da pynmih leh da ki Standard Operating Procedure (SOP). Wei ini man ko ym du yei thung kreh tangwa ha i pynku kyrdan leh ya kiwa kreh sorkar wa toh u man ko kawa smat wei kawa lai katkam ka kyndon.