Ka sorkar Assam ynnin da pynman yalang ko ha Srimanta Sankaradeva Kalakshetra International Auditorium, Guwahati wow e yarap poisa cha ki dkhot warim ka United Liberation Front of Assam (ULFA) wa kiwa ha-yung ki.
Ha kani ka yalang u Montri Rangbah ka Assam, u Himanta Biswa Sharma da man u kam u kongsan.
Kani ka yalang toh kam ka dak wa dadep soi ka ULFA yaka soskular Memorandum of Settlement (MoS) waka sorkar Assam wa sorkar India ha ka 29 Kmaichonglad 2023.
U Himanta Biswa Sharma kam i dak wow burom ya kani ka soskular da e u da ka Fixed Deposit Certificate kawa Rs. 4 lak cha waroh ki 852 ngut ki dkhot warim ka ULFA lyngba ka Surrender Cum Rehabilitation Scheme ka sorkar India.
Chooh chooh Rs. 3 lak samen da e cha ki 45 ngut kiwa da mynsoo ha i yakhun pyrchah wa ki pulit (Counter Insurgency Operations), chirup waka song poisa kyrpang kawa Rs. 3 lak na ka sorkar Assam.
Heijooh i por da e Rs. 5 lak samen cha ki 8 ngut kiwa chah lehbeiñ, wa Rs. 10 lak samen cha kiwa ha-yung yong ki 31 ngut ki dkhot wa da wiar, heiwa waroh da em 936 ngut kiwa yoh myntoi.
Ya kani ka yalang da pynman da ka chnat Pohyung ka sorkar Assam chirup waka Special Branch ka Assam Police.
Discussion about this post