Uwa dai cha ha rood sarok ha Nagpur uwa tip kam u Dolly Chaiwala uwa da pawnaam bha hadien wa wan kiwa boon ki YouTuber wot kiwa na baar ri wow riñ wei yaklam wa oo wot hadooh u Co-founder ka Microsoft, u Bill Gates leh da lai yachem u wow maad ya ka cha u, da sdang u wow chah khut ha kiwa boon khamtam ki kaam sñiawbha wa ki kaam paidbah.
Ki Video wa chet cha u da poor bha ki ha kylleiñ heiwa i rukom pynkhreh, i rukom theh cha i rukom riam u da pynka’it i ya ki paidbah ki wym kot de oo iwa da pynman ya oo wow dang joor i chah khut sñiawbha u ha kiwa boon.
Neiliang u AK Food Vlog da khana u ya iwa chem u heipor wa khut sñiawbha u ya u Dolly Chaiwala heipor wa yaparom u wa u Taiyab Fakhruddhn lyngba i Video ha u Instagram.
U AK Food Vlog da khana u wa da kwah u wow khut ya u Dolly cha Kuwait tangwa da dawa u chiboon ka poisa.
Da khana u wa da khyrngiat u wow tip wa u Dolly da paan u 2,000 Dinar iwa dapoi kamwa Rs. 5 lak ka poisa India.
Chooh chooh da khana u wa najrong ini daw hap leh u pynbiang ya u wow synraan ya u Dolly kamjooh i thaw sah ha i 4/5 Star Hotel wei yeitæ leh da yaklam u wa u Manager yong oo ym yoh u wow yaklam wa u Dolly.
Heijooh i por da ong u wa ini waroh toh neibynta chi sngi donhi.
Ha iwi won i liang, hadien wa poor ki dur u Dolly wa u Bill Gates hawa kylli ki kammon sñiaw u, da jubab u wym tipmit u oo u Bill Gates heipor wan thied cha u na oo tangwa du hadien wa khana kiwi cha oo.
Discussion about this post