Ka Dorbar Tlang yong ka JHADC da man ko ynne ka sngi heiwa u MDC ka Liang Pyrchah, u Brightstar Chyrmang da kylli u katwon tylli ka Non-Tribal Employees Service License wa da e nadooh 1 tarik u Naitung 2023 hadooh 30 tarik u Naikhynde 2024 neibynta kiwa kreh ha ki karkhana pynmih Khyndawbilat.
Neiliang u CEM ka Council, u Thombor Shiwat da ong u wa da e 4417 tylli.
Hawa kylli chooh u Brightstar katwon ka bai License samen, da yoh jubab wa man ko Rs. 500 samen.
Da kylli chooh u wa lada i dor man i salonsar i jooh namo iwa phær, heiwa da jubab wa i dor man i salonsar i jooh ya waroh khlem kheiñ ya kiwa heh kyrdan næ kiwa khian.
Da mih leh i e buit wow pyrkhat noh wow pynyaphær ya i dor na kiwa heh kyrdan wa kiwa khian.
Discussion about this post