Rs. 50,000 e yarap ka Seiñraij Jowai yow lai yaleh mukotduma neibynta ka wah Myntdu

Ka Seiñraij Jowai ynne ka sngi da yoh ko u e yarap sñiawbha hadooh Rs. 50,000 cha ka seiñ Khooid Ya Ka Wah Myntdu wow pyn-eh-bok pyn-eh-nasib neibynta wow ye chooh chooh ko u kreh ya ki kaam wa bha khamtam wow pynmiat pynbha ya ka wah Myntdu.

Kani ka wah man ko Ka Tawiar Ka Takan yong ki khon ka Niamtre kiwa chong wa sah hapoh ka sor Jowai.

Kani ka wah leh man ko kam kawa psa ya ki bru ym du ka chnong Jowai tangwa kiwa boon ki chnong lyngba i pyndap um wow rep ya u khoo u kba wa em cha hali hator, ka umbaam umdih wa kamjooh ki doh-um.

Ha i janmiet ynne da em ka yalang heiwa da em u Vice President ka Seiñraij, u E.M.H Passah, u General Secretary, u Arowtki Sumer wa ki dkhot ka Executive Committee katwa ya ka KYM da mihkhmat da u President, u Khroo Lamsalanki Pariat wa ki dkhot ka seiñ.

Related posts

Khih u khmi wa khlanbor 5.5 uwa da sñiaw leh cha Meghalaya

February 25, 2026

District Cricket League: Jop ka Shangpung ya ka Evergreen Mukhla Mission

February 25, 2026

Kam wow kdaw heini, ya ka KYM da seiñ ha u 2021 wei da yakhun ko wow yada wei wow pynneh pynsah ya ka wah Myntdu heiwa katni da man bynta ko ha ka mukotduma hapoh ka NGT lyngba u KL Pariat wow yada wei wow pynneh pynsah wei wow yada ya ka wah Myntdu.

Kani ka mukotduma kawa sdang nadooh u Naiynru 2023 pyrchah ko ya ka sorkar jylla wa ka sorkar pyrdi wei dang em ko hapyrdi i bichaar hadooh kini ki sngi.