Kiwa uiñke suwari kiwa na Singapore da maad ki yeiwa ym poipyrkhat hadien wa chah chimkabu ha uwi uwa taan Rickshaw ha Old Delhi.
Kani ka Vlogger kawa tip kam ka Sylvia Chan da khana ko wa uni uwa taan Rickshaw nyngkong da man u uwa sñiawsuk uwa sñiaw yohlok tangwa hadien da man i mar kangtleiñ heipor wa dawa u Rs. 6,000 deiwa ieh leh ya ki 5 km na i thaw wa toh u lai ki.
Ka Sylvia da batai che ko yeini iwa jia lyngba i Video ha Instagram heiwa ka waka lok ko chem ki ya ini u bru na Jama Masjid, Old Delhi wei da ong u ya ki wa lada kmen ki ye ki wow su poisa won ya oo hadien.
Da yah u ya ki na Jama Masjid cha Red Fort wei da kyntait u wow chim Rs. 100 katkam wa da yakut chwa wow chong ki wei da ong u ya ki wa ye ki wow su ha oo hadien manda wan thooh u ki na Chandni Chowk, wei da kylliang Phone Number ki.
Hadien manda wan thooh u ki da yah u ki cha ki yaaw kiwa ym kwah ki wow lai.
Manda chem ki wa ym sñiawsuk ki da kwah ki wow hiar noh ha Krishna Market tangwa da yah u ki 5 km na Chandni Chowk wei deiwa klam khor da paan u na ki Rs. 6,000.
Dei wym yohsa wei deiwa em ki hei thaw wym jooh wym tip ki, da su ki ya oo Rs. 2,000 wei da yut u na ini i thaw khlem ong iyi iyi.
Ka Sylvia hawa pynkut ya i Video da ong ko wa jooh kyrchaan ko ya kiwa kamai khian tangwa hadien ini da sñiaw chngaaiñ ko wow lai da ki kari Uber.
Discussion about this post