Rs. 7 lak ka 1st Prize ka Lucky Draw ka Panaliar

Ka chnong Panaliar Jowai, kamwa jooh pynman ko khlieh u snem ya ka Jowai Winter Carnival cum Fete, ha uni u snem leh u pynman ha ka 13 wa ka 14 tarik u Kamaichonglad 2024. Kamtæ ya ki Ticket Lucky Draw yong ka da pynlait paidbah ha ka 7 tarik uni u bnai ha Yungwalieh ka chnong Panaliar hi, heipor 8:00 waje i miet, heiwa u Sainia Kyndiah, Chief Engineer, PWD (Building) ka sorkar Meghalaya da wan u kam u kongsan.

Ha chwa wow pynlait ya ki Ticket, da em ka yalang tbian wa pynlai da u waheh chnong ka Panaliar, u Riquoma Rq. Laloo. Da yoh leh ya ka ngooh ka dem na u Arwotki Sumer, Assistant Waheh Chnong, Panaliar Jowai.

Katwa em ka haap ka oor, i khlaad ka manbei waheh bru hapoh ka chnong na ka kur Passah, kamtæ u waheh chnong da pynman u ya ka suki kiaw kawa chi minit kam ka dak wow burom ya ka yoh ki kaam ka chnong leh u lai bait lai ryntih chakhmat.

Da yoh ya i klam tbian heiyatoh wa i thmu ka chnong na u General Secretary, u Marryngkat Syngkon, uwa da khana wa ka chnong Panaliar hi man ko kawi na ki chnong wa pynyoo yei yatylli na ki por cha ki por khamtam hei sbun mynsien kiwa chong chnong wa ki kurim ki khon ka chnong. Chiboon i pynleh pynchna hapoh chnong toh na ka e kyllooid mynsien yong ki hi. Hao, ymye u len yei yarap ka sorkar leh em hi, wot u Governor, u Local MLA wa u Local MDC leh da ya pynchyiap hi ki, katwa joh wa jam deiwa yooluti leh daw yarap chooh chooh ki ha kini ki por wow wan manda lai yachem wa ki.

Related posts

Saam ka Moosalyngkat ya ka song poisa kiwa jop Lucky Draw

December 21, 2024

Ka Truck, ka Thar Roxx, ka Bolero, ka Pickup, ka Alto wa 4 tylli Scooty u pynkhle ka Thadmuthlong C Phramer

December 20, 2024

U Sainia Kyndiah kam u kongsan, hei klam yong oo da pynsñiaw u yei maya chnong yong oo, deiwa kuntu ya kiwa pynlai ya ki Ticket wow kitkhia bha yoh u ye u pynphet ya ki Ticket dei wow lut waroh kiwa dadep chon.

Da ong u wa ymtoh u kheiñstiñ wei pyn na katni u li saam li e cha ki khon ka chnong wa ki lok ki jor waroh. Ka Prize man ko kawa heh bha, ymtoh kawa suk u pynmih lym dohyap u dai bha ya ki Ticket, ong u kongsan. Da e u leh ki kyntien kyrkhu kyrdoh ya waroh ka chnong ha waroh ki kaam yong ka khamtam ha kani ka Fete wow man deiwa khut u ya ki khon ka chnong wow man kiwa em i kitkhlieh neibynta wou pynmyntoi ya ka chnong.

Hadien wa dadep pynlait u kongsan ya ki Ticket, neiliang u waheh chnong da banjoor u ya waroh ki khon ka chnong na kawi pa kawi ka yung wow pynlai dei wow dai ya ki Ticket cha ki lok ki jor. Kyntu u leh ya ki kurim ki khon ka chnong kamwa jooh ya embynta lang ki waka chnong na ki por cha ki por, heini leh wow ya embynta chongchit ki.

Da khana u ya i dor kawi ka tiket toh Rs. 100 heiwa 10 tylli u em chibuk, katwa ki Prize won man ki kamni: 1^st Prize Cash Rs 7,00,000; 2^nd Prize ka TVS Scooty; 3^rd Prize Yamaha Scooty wei 5 tylli ki Consolation Prize kiwa Rs. 10,000 kawi wei daw pynkhle ha ka 14-12-2024.

Da khana chooh chooh u wa daw em ka Bumper Housie, kawa dapoi (Total Cash Prizes) Rs. 70,000 ha ka 13-12-2024. Katwa ha ka 14-12-2024 ka Total Cash Prizes u man ko Rs. 400,000, kamtæ da khut u ya waroh kiwa najan najngai wow kynmoo kyndiang ya kitai ki tarik wow ya emlang wa ka chnong.

Da yoh leh ya ki kyntien e khublei na u Secretary ka Lucky Draw Committee, u Ram Sumer, uwa man heijooh i por u Assistant General Secretary ka chnong Panaliar, Jowai.