Ynne ka sngi da pynman ya ka Dorbar Liyur ka JHADC wa chi sngi heiwa u MDC ka Congress, u MB Rymbai da kylli u katwon ngut em kiwa kreh ha JHADC.
Hajrong ini u CEM da jubab u wa em 1149 ngut kiwa kreh ka JHADC.
Neiliang u Rymbai da kylli u katwon poi ka tulop wa da su ya ki, heiwa u CEM da ong u wa da su Rs. 8,45,59,679 ka tulop cha kiwa kreh deilang ki MDC kamjooh ka bai baam tymmen namo ka Pension ha ka chi bnai.
Chooh chooh u Rymbai da kylli u leh katwon tylli ki Beat Office ka Forest Department ka JHADC heiwa u EM ka chnat, u H. Nongtdu da jubab u wa em le tylli.
Kini kynthup ki ya ka Ratacherra, Mookyndur wa Garampani wei ya kini da e wai cha ki bru samen wei daw bichaar lada ye ka Council u pynlai pyn da ka hi.
Discussion about this post