Ynne ka sngi u MDC ka Liang Pyrchah, u Robinus Syngkon ha ka Dorbar Tlang yong ka JHADC da kylli u katwon ka poisa wa da yoh na waroh ki District Council Forest Check Point nadooh 1 tarik u Naiynru 2023 hadooh 30 tarik u Naikhynde 2024.
Hawa jubab yeini, neiliang u CEM, u Thombor Shiwat da pyntip u wa i yoh na Ratacherra man i Rs. 9 lak tam, na Mookyndur Rs. 28 lak tam, na Sunapur Rs. 19 lak tam, Lumkya Rs. 26,000 wa na Garompani Rs. 9,000.
Chooh chooh u Robinus da kylli u katwon ka bhah na ka dan yoh ka Council na ka State Transport Department ha u snem 2023-24. Hajrong ini u CEM da khana u wa da yoh Rs. 8,87,80,685.
Manda sñiaw yeini u Robinus da kyntu u ya ka Council wow pynheh ya i yoh poisa yong ka deiwa thooh ki laad ki luti khnang wow suk u su ya ka tulop kiwa kreh.
Discussion about this post