U Deputy Chief Minister ka Karnataka, u DK Shivakumar uwa yajan bha wa u heh ka Congress, u Rahul Gandhi da pynkhyrngiat u ya kiwa boon deiwa rwai ya i sur ka Rashtriya Swayamsevak Sangh (RSS) hapoh Assembly.
U Shivakumar uwa man leh u President ka Karnataka Pradesh Congress Committee (KPCC) da rwai u ya i sur ka RSS iwa tip kam i Namaste Sada Vatsale Matrubhoome ynne ha ka Monsoon Session wei ini toh i sur wa da rwai da ki chnat ka RSS ha kylleiñ ka ri.
U heh ka Congress, u Saleem Ahmed da kyntu u ya ki paidbah wym toh ware u chimkhia ki yei leh u Shivakumar neibhah wa man uwa yajan bha wa ki Gandhi. “U DKS toh uwa chakri hok ya ka Congress,” da ong u Ahmed uwa jooh man u Working President-KPCC.
Neiliang ka BJP won da pynemkaam ko ya i Video wow pynyoo yei chakri ka RSS ya ka ri.
U National Spokesperson ka BJP, u Tom Vadakkan da ong u wa da sñiawthooh ki (Congress) wa ka RSS toh ka seiñ wa emakor wei em i chakri.
U Shivakumar jooh ong u wa jooh embynta u wa ka RSS heipor wa lai skur u ha Rajajinagar Bengaluru.
Ini i leh u Shivakumar man i mar dei kangtleiñ neibhah wa ka Congress toh kawa jooh pyrchah bha ya ka RSS kawa emyatoh wa ka Bharatiya Janata Party (BJP).
Discussion about this post