Ka Rumshnong Youth Club Bataw kawa da pynman ya ka lympung yalehbol wa tip kam ka 2nd RYC Bataw Knockout Football Tournament 2023-24, da poi ko cha ka Quarter Final wei ya ki yalehke da pynman ha Madan Lacheh Bataw wei ki liang wa da yakhun Quarter Final ynnin ka sngi toh ka Nongshiliang Pdengshakap pyrchah ya ka Umsyiem FC Bataw wei ka yalehke da kut ko da 2-2 hadooh wa kut i por heiwa da pynman da ka yachut Tie-Breaker arsien yow yoh ya kiwa jop heiwa hawa kut ka Umsyiem FC Bataw da jop ko ya ka Nongshiliang Pdengshakap da 7-6.
Ha ka yalehke wa hapyrdi ka JR FC pyrchah yaka Lever Union FC, kani leh da kut khlem em wa yoh u thap kool wei dapoi ko cha ka yachut Tie-Breaker wei hawa kut i yachut ym em biang wa jop wei da hap wow pynman biang yei yachut Tie-Breaker ha ka sien wa ar neidaw wa da lehbha waroh arliang kiwa yang kool wei ha ka wat wa ar da yoh noh ka Lever Union FC yei jop da 4-3.
Kamtæ da pyntip cha phi ki paidbah wa ka yalehke Semi Final hapyrdi ka Umsyiem FC Bataw pyrchah ya ka Lever Union FC daw pynman ha ka 22-12-23 heipor 2:30 i sngi.
Discussion about this post