Kiwa yap na u Coronavirus uwa tip katni kam u COVID-19 hapoh China da poi u cha ka 1,770 ngut hadooh wa kut ka 16 tarik iwa da ku da 105 ngut naka sngi chwa, da pyntip ka National Health Commission ka China ynne i step.
Da em sa 2,048 ngut kiwa dang yoh thymme ya u khniang COVID-19 hapoh China hadooh ynnin ka sngi Bibar. Waroh kiwa da yoh ya uni u khniang da em ki 70,548 ngut katwa 10,844 ngut toh kiwa da dep chah sumaar wei da yoh ki wow mih na Hospital.
Palat 94% kiwa yoh thymme ya u COVID-19 toh kiwa napoh Hubei Province i thaw wa joor dooh wa poor uni u khniang wei du ynnin ka 16 tarik da em 100 ngut kiwa yap. Ha Henan Province kawa em hajan Hubei, da khlaad le ngut haka sngi Bibar, heiwa arngut won ha Guangdong iwa em hajan Hong Kong.
Hapoh Hubei da pynbna wow pynkhor yei psiah i mih ki bru yow kdoh u khoom ya kiwa ye u pynpoor ya u uni u khniang cha kiwi ki thaw.
Discussion about this post