U montri rangbah ka jylla Tripura u Biplab Kumar Deb ynne i step da pyntip u wa da em sa 11 ngut kiwa yoh COVID-19 ha Tripura.
Na kini, 7 ngut toh ki BSF naka 86th Battalion wa em ha Ambassa ha Dhalai District wa 4 ngut ki bru paidbah kiwa na Churaibari Gate wa kynthup ya 2 ngut kiwa yah kari kiwa na baar jylla wa 2 ngut kiwa dang liwan na Guwahati.
Ya kini da chem hadien wa Test ya 625 ngut ki bru. Da pyntip u leh ki wakreh kam kiwa thoh khubor ka Tripura da dep Test yaki kamjooh wei da chem wa ym em chah ktah ki ha u COVID-19.
Wa kini, waroh kiwa yoh COVID-19 ha Tripura da em ki 167 ngut wei na kini kiwa da yoh u mih Hospital da em ki 42 ngut.
Discussion about this post