Hadien wa yohbor le tylli ki thaw wow tih mooyong ha ka jylla katkam ka juk stat wa katni namo ka Scientific Mining, kattæ dang em sa 11 tylli ki thaw wa dang yang u yohbor wow tih mooyong.
Neiliang u Montri Rangbah ka jylla, u Conrad Sangma da ong u wa ki le tylli ki thaw ha ka jylla da sdang ki wow tih ya u mooyong.
Da ong u leh wa em kattu katni i wit i thut heiyatoh wa i kit ya u mooyong.
Chooh chooh hawa kylli katwon tylli ki thaw wa da paan bor, da ong u wa ym kynmoo u thik katwon tylli, tangwa 11 tylli ki thaw toh kiwa da jan yohbor wow tih ya uni u mar pohkhyndaw.
Hawa kylli kini kiwa pyndap pyrtuid wow yohbor toh kiwa na kiwon ki District, da ong u wa boon hi toh kiwa na East Jaiñtia Hills wa ka West Khasi Hills.
Discussion about this post