U montri i chait i khiah ka jylla Assam u Himanta Biswa da pyntip u ynne i miet wa da em 123 ngut kiwa dang yoh COVID-19 ha Assam.
Nyngkong da pynbna u wa da em 56 ngut kiwa yoh COVID-19 kiwa 18 ngut na Lakhimpur, 12 ngut na Barpeta, 7 ngut na Udalguri, 5 ngut na Baksa, 5 ngut na Dhubri, 3 ngut na Kamrup, 2 ngut na Dhemaji, 2 ngut na Airport, 1 Nalbari wa 1 uwa dang pyntikna uwa neiwon.
Hadien ini da pynbna u wa da em sa 67 ngut kiwa dang yoh COVID-19, 16 ngut na Tinsukia, 10 ngut na Goalpara, 9 ngut na Kokrajhar, 7 ngut na Sivasagar, 7 ngut na Nagaon, 5 ngut na Sonitpur, 3 ngut na Karimganj, 2 ngut na Kamrup, 2 ngut na Golaghat wa 2 ngut na Baksa.
Da pynbna u leh wa em 22 ngut kiwa da yoh u mih Hospital ynne ka sngi hadien wa dep Test yaki arsien wei pyn-ar sien ym em de chem wa em ki ya u COVID-19.
Kini toh 16 ngut kiwa chah sumaar ha MMCH, 4 ngut ha SMCH wa 2 ngut ha JMCH.
Wa kini waroh kiwa chah ktah ha u COVID-19 ha Assam da em ki 1339 ngut heiwa 185 ngut toh kiwa da chait, 1147 ngut toh kiwa dang em ya uni u khñiang, 4 ngut kiwa yap wa 3 ngut kiwa da mih napoh ka jylla.
Discussion about this post