U montri i chait i khiah ka jylla Assam u Himanta Biswa Sarma da pynbna u ynne ka sngi wa da em 159 ngut kiwa dang yoh COVID-19 ha Assam.
Nyngkong da pynbna u wa da em 43 ngut kiwa yoh kiwa 5 ngut na Dhubri, 5 ngut na Golaghat, 3 ngut na Barpeta, 1 na Bongaigaon, wa 29 ngut kiwa dang yang yow pyntikna kiwa neiwon.
Hadien ini da pynbna u wa em sa 85 ngut kiwa yoh COVID-19 kiwa 26 ngut na Kokrajhar & Chirang, 20 ngut na Hailakandi, 13 ngut na Kamrup, 13 ngut na Dibrugarh, 9 ngut na Jorhat, 2 ngut na Golaghat wa 2 ngut na Cachar.
Dep ini da pynbna u leh wa da em sa 31 ngut kiwa yoh ya uni u khñiang khlam kiwa 20 ngut toh kiwa liwan daka lieñsuiñ wa 11 ngut na Morigaon.
Da pynbna u leh wa da em 38 ngut kiwa da chait hadien wa Test yaki arsien wei pyn-ar sien ym em de chem wa em ki ya u COVID-19. Kini toh 14 ngut kiwa chah sumaar ha SMCH, 11 ngut ha MMCH, 8 ngut ha FAAMC, 3 ngut ha JMCH wa 2 ngut ha GMCH.
Wa kini, waroh kiwa chah ktah ha u COVID-19 ha Assam da em ki 1216 ngut heiwa 163 ngut toh kiwa da chait, 1046 ngut toh kiwa dang em ya uni u khñiang, 4 ngut kiwa yap wa 3 ngut kiwa da mih napoh ka jylla.
Discussion about this post