Kiwa dang yoh COVID-19 ha Meghalaya hadooh 1 waje ynne i sngi ka 17 tarik da em ki 161 ngut, kiwa dang chait 78 ngut wa 3 ngut kiwa dang yap katkam wa pyntip u DHS(MI) ka jylla u Dr. Aman War.
Kiwa dang yoh thymme da em ki ha East Khasi Hills 105 ngut (chipai-2, paidbah-103), Ri Bhoi 9, East Jaiñtia 28, South West Garo Hills 3, East Garo Hills 2, South West Khasi Hills 1, West Garo Hills 12 (chipai-6, paidbah-6) wa ha West Khasi Hills 1.
Kiwa dang chait da em ki ha East Khasi Hills-37, North Garo Hills-3, Ri Bhoi-3, South West Khasi-1, West Garo Hills-29, West Jaiñtia Hills-4 wa ha South West Garo Hills-1
Ki bru paidbah wa yoh thymme ynne ka sngi ha East Khasi Hills toh 32 ngut ki High Risk Contact, 1 wakreh haka Health, 5 ngut kiwa liwan na baar jylla, 2 ngut na Jail Road Cluster, 4 ngut na Jhalupara Cluster, 11 ngut na Keating Road Cluster, 3 ngut na Laban Cluster, 6 na Mawprem Cluster, 10 na Nongmensong Cluster, 8 na Khyndailad Cluster, 12 na Raj Bhavan, 1 na Rilbong, 5 na Rynjah, 3 na Umlyngka. Ha East Jaiñtia Hills 28 ngut na Star Cement.
Kiwa dang khlaad toh ka Dewanti Thapa (74 snem) kawa na Barapathar kawa li booh ha Bethany Hospital haka 8 tarik uni u bnai kawa da Test wa yoh COVID-19 tangwa neidaw wa emkaam ICU ko, da kyrriah noh cha Civil Hospital, Shillong haka 16 tarik hiewa da poi ko heipor 8:40 i miet wei da khlaad noh ko haka 9:45 i jooh i miet. Kani toh kawa em yaka chitom Blood Pressure kamjooh ha u klong snam leh.
Sa uwi uwa khlaad toh u Lawrence Lyngkhoi (72 snem) uwa na Shyiap wei da khlaad u heipor por wa rah cha Super Care, wei manda poi u Super Care da leh yaka Test arsien da ka Rapid Antigen Test heipor 9:50 i ynnin i miet wei da Test biang ha i por 2:40 i step ynne neidaw wym hun kiwa ha yung yong oo wei pynarsien da chem wa man Positive u, wei da phah noh cha Civil Hospital yow pyndep ya ki kyndon wa toh u pyndep.
Sa uwi wa khlaad ynne toh ha NEIGRIHMS toh u Dili Thapa (60 snem) uwa na Mawbah wa em Cancer wei da rah cha NEIGRIHMS haka 14 tarik wei ha i ka por wa Test da chem toh uwa yoh COVID-19 wei da sumaar ya oo hapoh ka ICU tangwa da khlaad noh u ynne i step heipor 7:10.
Kiwa dang em COVID-19 ha ki District man ki kamni ha wah:
East Khasi Hills: 1319 (chipai-245, paidbah-1074)
West Khasi Hills: 13
South West Khasi Hills: 5
Ri Bhoi: 166 (chipai-47, paidbah-119)
West Jaiñtia Hills: 10
East Jaiñtia Hills: 265
West Garo Hills: 160 (chipai-70, paidbah-90)
South West Garo Hills: 14
South Garo Hills: 18
East Garo Hils: 5
North Garo Hills: 8
Waroh kiwa dang em ya uni u khñiang da em ki 1983 ngut, kiwa chait 2342 ngut wa 32 ngut kiwa yap.
Ki nongmuna wa da dep phah Test da em ki 1,27,571 tylli, kiwa ym em chah ktah da em 1,12,348 ngut wei dang yang yaka Result ki 867 tylli.
Kiwa da psiah chapoh ka jylla da em ki 37445 ngut.
