U montri i chait i khiah ka jylla Assam u Himanta Biswa Sarma da pyntip u ynne i janmiet wa da em sa 2 ngut kiwa yoh COVID-19 ha Assam.
Kini ki arngut toh kiwa em ha Guwahati heiwa uwi toh uwa na Morigaon katwa uwi won toh uwa na Guwahati hi.
U Sarma da pyntip u wa ynne hi ka jooh ka sngi, da em 5 ngut kiwa yoh COVID-19 kiwa na Bongaingaon kiwa chah sumaar ha MMCH da chait ki wei da yoh ki wow mih Hospital.
Wa kini, waroh kiwa da yoh COVID 19 ha Assam da em ki 64 ngut heiwa da chait 39 ngut wei da yap 2 ngut. Kiwa dang em ya uni u khñiang (Active Case) da em ki 23 ngut heiwa uwi naki da chah wow mih u napoh ka jylla uwa yah Ambulance uwa wan na Mumbai waki 2 ngut kiwa yoh ya u COVID-19.
Hadien wa cha u wow liwan neidaw wa man u uwa khlan uwa ym em ki dak ki chin wa chitom, da pynsangeh ya oo manda poi u ha Bihar yow booh ya oo ha thaw sumaar.
Discussion about this post