Kiwa yoh COVID-19 da poi ki 101 ngut ha Meghalaya hadien wa em sa 2 ngut wa yoh ynne, iwa da pynbna da u montri rangbah ka jylla u Conrad K Sangma ynne i miet.
Kam wow pynkynmoo wa ha chwa ini, ynne ka sngi da em 4 ngut kiwa yoh COVID-19 wa kynthup ya 3 ngut ki BSF wa 1 wa wan na Tripura yow chah sumaar ha NEIGRIHMS.
Ki 2 ngut wa dang pynbna toh 1 BSF wa 1 (bru paidbah) na Ri-Bhoi. Wa kini, ki BSF wa da yoh COVID-19 hapoh ka jylla da em ki 27 ngut.
Kiwa dang em ya uni u khñiang da em ki 54 ngut, kiwa da chait da em ki 45 ngut wa 2 ngut kiwa yap iwa da poi waroh 101 ngut.
