Kiwa dang em ya u khñiang khlam COVID-19 hapoh ka jylla da ku ko cha ka 433 ngut hadooh 10 waje ynne i step ka 22 tarik hadien wa em 24 ngut kiwa dang yoh wei da em leh 7 ngut kiwa da chait.
Na kini kiwa dang yoh thymme, ha East Khasi Hills da em ki 18 ngut heiwa 6 ngut toh ki BSF, 2 ngut na kiwi ki chnat chipai wa 10 ngut ki bru paidbah. Ha East Jaiñtia Hills 2 ngut wa ha West Jaiñtia Hills 4 ngut.
Waroh kiwa dang em COVID-19 ha ki District won man ki kamni ha wah:
East Khasi Hills-366 ngut heiwa na kini, 269 ngut toh ki BSF, 83 ngut ki bru paidbah wa 14 ngut won na kiwi ki chnat chipai.
Ri Bhoi-42
West Jaiñtia Hills-5
East Jaiñtia Hills-3
West Garo Hills-12
South West Garo Hills-1
South Garo Hills-2
East Garo Hills-1
North Garo Hills-1
Kiwa dang chait won kiwa em 7 ngut toh 4 ngut ki BSF na East Khasi Hills, 2 ngut kiwa na kiwi ki chnat chipai wa 1 bru paidbah.
Kiwa chait waroh da em ki 77 ngut, kiwa yap 4 ngut wa 433 ngut kiwa dang em ya uni u khñiang iwa da poi 514 ngut kiwa da dep yoh COVID-19 hapoh ka jylla.
