U montri i chait i khiah ka jylla Assam u Himanta Biswa Sarma da pyntip u ynne i miet wa da em sa 3 ngut kiwa yoh COVID-19 ha Assam.
Kini ki 3 ngut toh kiwa em ha Kamrup Metro, heiwa uwi toh uwa na Sarusajai Quarantine Camp, uwi toh uwa chah sumaar ha GMCH katwa uwi won da chah wow lai u cha West Bengal.
Chwa ini, u Sarma da pyntip u wa da em uwi uwa da chait uwa da dep Test wa da lait u na u COVID-19 uwa chah sumaar ha SMCH.
Ya uwa na Sarusajai Quarantine Centre da pynkit cha MMCH katwa uwa yoh COVID-19 ha GMCH da booh ya oo cha ka COVID-19 Ward kani ka jooh ka Hospital.
Wa kini waroh, kiwa da yoh COVID-19 ha Assam da em ki 89 ngut heiwa 41 ngut da chait ki, 44 ngut toh kiwa dang em (Active Case) ya uni u khñiang, 2 ngut kiwa yap wa 2 ngut kiwa da mih napoh ka jylla.
Discussion about this post