U montri i chait ka jylla Assam u Himanta Biswa Sarma da pyntip u wa ynne ka sngi da em uwi wa khlaad na u COVID-19 uwa chah sumaar ha GMCH uwa tip pyrtuid kam u Hemanga Majumdar uwa 45 snem i rta uwa na Khanapara.
Da pyntip u leh wa ya uni da wanrah cha GMCH heipor wa da chitom joor bha u wei ki Doctor ym ye de ki wow pynim oo.
Ha iwi tawon i liang da pyntip u wa da thung kreh sa 300 ngut ki Nurse ha Guwahati Medical College yow pynkhlan chooh chooh yaka yaleh pyrchah ya u COVID-19.
Ynne da pyntip u leh wa kiwa chait da em ki 274 ngut iwa da pynpoi ya kiwa da chait cha ka 67.91%. Da pynsñiaw u leh yei kmen heiwa kiwa chait, kiwa da yoh u liwan yung da em ki ar chah bar ya kiwa dang em ha ki thaw sumaar.
Heiyatoh won wa kiwa dang yoh, da em 372 ngut heiwa na kini, 195 ngut toh kiwa na sor Guwahati kiwa dang yoh ha kini ki 24 kynta.
Wa kini, waroh kiwa yoh COVID-19 ha Assam da em ki 7492 ngut, heiwa kiwa da chait da em ki 5088 ngut, kiwa dang em ya uni u khñiang da em ki 2390 ngut, kiwa yap da em ki 11 ngut wa 3 ngut kiwa na mih napoh ka jylla.
