Ka jylla Manipur ynne i step da pynbna ko wa da em sa 4 ngut kiwa yoh COVID-19 kiwa liwan na Delhi wa na Pune.
U Dr. Khoirom Sasheekumar Mangang, Additional Director & Spokesperson Health Department da pyntip u wa na kini, ki 3 ngut toh ki kynthai heiwa kawa 26 snem toh kawa liwan na Delhi kawa na Imphal East District katwa ki 2 ngut won kiwa em 21 wa 19 snem toh kiwa liwan na Pune kiwa na Kangpokpi District.
Da pyntip u leh wa sa uwi toh u chynrang uwa 20 snem uwa liwan na Delhi wei toh uwa na Sekmai, Imphal West District.
Ynnin ka sngi da em leh arngut kiwa yoh COVID-19, kawi toh ka kynthai wa 44 snem wa u chynrang wa 34 snem.
Wa kini waroh kiwa da chah ktah ha u COVID-19 ha Manipur da em ki 66 ngut heiwa kiwa dang em ya uni u khñiang da em ki 59 ngut wei kiwa chait da em ki 7 ngut.
Discussion about this post