Ynne ka India da wan thooh ko ya ki 57 ngut ki nong India kiwa da sahkut ha ri Iran hadien wa da chah ktah kani ka ri ha u khñiang Coronavirus namo u COVID-19.
Neiliang u montri ka kaam baar ri ka india, u Dr. S. Jaishankar da ong u wa kani man ko ka “Second Batch” wa wan thooh ya ki nong India na Iran deiwa pynrap leh wa daw lithooh chooh ya kiwi tawon na kiwi ki ri.
Da ong u leh wa ka India wa ka Iran kreh ki chirup pyrchah ya uni u khñiang.
Ya kini ki 44 ngut kiwa dang wan thooh wot na Iran ynne da kyrriah ya ka thaw khang-kset (Quarantine) yong ki chipai Indian Navy ha Ghatkopa, hajan ka sorbah Mumbai.
Ya kani ka thaw da pait da ka Western Naval Command yong ka Indian Navy.
Discussion about this post