I khang ya ka Internet iwa da toh u kut noh ynne i step ka 24 tarik daw pteiñ biang sa 48 kynta da pyntip da ka sorkar Meghalaya lyngba ka chnat Home (Police) Department ynne ka sngi.
Ini i khang Internet toh nadooh 10 waje i step ka 24 tarik hadooh i step ka 26 tarik ha ki 7 tylli ki District ka jylla wa kynthup yaka West Jaiñtia Hills, East Jaiñtia Hills, East Khasi Hills, Ri-Bhoi, Eastern West Khasi Hills, West Khasi Hills wa ha South West Khasi Hills.
Ini man ko leh neibynta iwa da jia ha chnong Mukroh, West Jaiñtia Hills heiwa da em 6 ngut kiwa chah siat yap ha ki pulit ka Assam haka 22 tarik yow khang yei pynpoor ya ki khubor wa ye u ktah yei suk i saaiñ lyngba ki rynsan Social Media kam u WhatsApp, Facebook, YuoTube wa kiwi kiwi de.
