Ka sorkar jylla ynne lyngba u Principal Secretary ka chnat Home (Police) Department sa shisien da pynbna ko wow khang Internet sa 48 kynta hapoh ki 7 tylli ki District ka jylla i wow pteiñ biang nadooh 10:30 i step ka 26 tarik uni u bnai.
Ya ini da leh yow lait i pynpoor ya ki dur, ki dar, ki Video lyngba ki rynsan Social Media kam u WhatsApp, Facebook, Twitter, YouTube wa kiwi de kiwa ye u ktah yei suk i saaiñ kamjooh i krehkaam ki aiñ.
Chooh chooh da pyntip wa ha East Khasi kamjooh ha kiwi ki District leh da em ki kaam chah thang, i pynsih ya ki yung ki sem wa ki thaw paidbah.
Kamtæ ini i khang Internet u krehkaam biang i ha West Jaiñtia Hills, East Jaiñtia Hills, East Khasi Hills, Ri-Bhoi, Eastern West Khasi Hills, West Khasi Hills wa ha South West Khasi Hills.
Ini i khang Internet u man biang neibynta ka Mobile Internet/Data Service yong waroh ki Mobile Service Providers iwa da sdang nadooh ka 22 tarik uni u bnai.
