Sa 5 Wicket emkaam ka Meghalaya yow jop ya ka Arunachal ha ka U-16

Shillong: Ka Meghalaya da emkaam ko sa 5 Wicket donhi yow jop ka wow man ka sien wa 5 khlem rem ha ka U-16 Vijay Merchant Trophy North East Zone heiwa ynne da pteiñ ya ka yalehke pyrchah ya ka Arunachal Pradesh ha Mangaldai, Assam wei mynstep da man ko ka sngi wa khaddooh.

Ka Arunachal da pteiñ ko neiwa ieh ki ynnin ka sngi heiwa da kamai ki 47/8 wei du hadien kattu katni por da haap lut ki Wicket wa sah wei da yoh ki 57 Run iwa duna 80 Run yeiwa yoh ka Meghalaya ha ka First Innings iwa 137 Run.

Kiwa kawang bol ka Meghalaya u Nirdesh Baisoya wa u Captain u Sudhir Sahani da yoh ki mar chi Wicket ynne.

Ha ka Second Innings ka Meghalaya u Baisoya da kamai u 100 Run khlem haap ka Wicket u na 172 ball, wei da yoh 14 tylli ki 4 Run wa ka wi ka 6 Run wei da pynkut ya ka Second Innings hadien wa u Baisoya da yoh u 100 Run wei waroh da yoh ka Meghalaya 173/9.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Kamtæ da booh thong ya ka Arunachal 254 Run yow jop wei da leh bha ki bar ya ka First Innings ki deiwa kamai ki 88/5, deiwa emkaam sa 166 Run yow jop wei dang sah mynstep chi sngi ka yalehke.

Uwa kawang bol ka Meghalaya wa da leh bha toh u Sahani uwa da pynhaap 4 Wicket wei da e u 29 Run wa u Baisoya uwa yoh chi Wicket wei da e u 13 Run.