Kiwa yoh COVID-19 hapoh Manipur da tam ki 500 ngut deiwa em sa 52 ngut kiwa yoh ya uni u khñiang heiwa kini toh 32 ngut ki chynrang wa 20 ngut ki kynthai da pyntip ka chnat i chait i khiah ka jylla.
Wa kini, waroh kiwa yoh COVID-19 ha Manipur da em ki 552 ngut heiwa 360 ngut toh kiwa dang em ya uni u khñiang.
Na kini kiwa dang yoh COVID-19, kiwa boon dooh toh kiwa na Ukhrul District kiwa em 20 ngut, pynbood won saka Bishnupur District kawa em 10 ngut, ka Thoubal District 6 ngut. Ha Chandel, Kakching wa Kangpokpi District da em mar 4 ngut katwa ha Imphal West da em 2 ngut kiwa mar 1 ha Churachandpur wa Kamjong, da pyntip u Health Department Spokesperson and Additional Director u Dr. Khoirom Sasheekumar Mangang.
Ynne ka sngi da em leh 33 ngut kiwa da chait kiwa chah sumaar ha RIMS hadien wa Test yaki daka RT-PCR, iwa da pynpoi ya kiwa da chait cha ka 192 ngut.
