Kiwa yoh COVID-19 ha Manipur da em ki 366 ngut hadien wa em sa 24 ngut kiwa yoh iwa pynbna ynne i miet hadien wa pynbna chwa 31 ngut hei step.
U Dr. Khoirom Sasheekumar Mangang, Additional Director & Spokesperson Health Department, Manipur da pyntip u wa naki 24 ngut, 13 ngut toh ki chynrang wa 11 ngut ki kynthai kiwa 12 ngut na Senapati District, 6 ngut na Noney District, mar 2 ngut na Kaching wa Ukhrul wa mar uwi na Imphal East wa Imphal West.
Yaki 31 ngut won won toh kiwa mar 13 ngut na Imphal West wa Tamenlong District, na Kakching wa Ukrhul District mar arngut wa 1 na Bishnupur District.
Da em leh 10 ngut kiwa da chait kiwa kynthup ya 9 ngut ki chynrang wa kawi ka kynthai kiwa chah sumaar ha RIMS wa JNIMS.
Wa kini, waroh kiwa yoh COVID-19 ha Manipur da em ki 366 ngut heiwa kiwa dang em ya uni u khñiang da em ki 293 ngut wei kiwa chait da em ki 73 ngut.
