Kiwa yoh COVID-19 ha Meghalaya da em sa 6 ngut ynne ka sngi kiwa 5 ngut na East Khasi Hills wa 1 na Ri-Bhoi District da pyntip u montri i chait i khiah ka jylla u AL Hek.
Neiliang u DHS u Dr. A. War da pyntip u wa kiwa na East Khasi Hills toh uwi u BSF katwa kiwi won toh kiwa liwan na baar jylla.
Neiliang u Hek da pyntip u wa hapoh ka BSF Composite Hospital wa em ha Umpling da dep leh yaka Test yong ki 856 tylli ki Sample wei da chem ynne ya uwi uwa dang yoh COVID-19 wei waroh ki BSF kiwa yoh COVID-19 da em ki 23 ngut. Wei dang yang yaka Result ki 281 tylli.
Hapoh ka jylla won waroh kawi da dep wow Test ya 21,823 tylli ki Sample heiwa 21,414 ngut toh kiwa man Negative wei dang yang yaka Result ki 320 ngut.
I bor wa ye wow Test haka chi sngi hapoh ka jylla man ko 645 tylli, da pyntip u DHS.
Kiwa liwan biang chapoh ka jylla hadooh ynne i janmiet da em ki 20,470 ngut.
Kiwa dang em ya u COVID-19 man ki kamni ha wah:
East Khasi Hills-29
Ri-Bhoi-15
South West Garo Hills-2
West Garo Hills– 3
East Jaiñtia Hills-1
Iwa da poi kiwa dang em ya u COVID-19 cha ka 50 ngut, kiwa chait da em ki 43 ngut wa 2 ngut kiwa yap iwa da poi waroh 95 ngut.
