Ka jylla Manipur ynne ka sngi da em ko sa 64 ngut kiwa yoh COVID-19 iwa boon dooh haka chi sngi heiwa 28 ngut toh ki chynrang wa 36 ngut ki kynthai iwa pynpoi ya waroh 449 ngut.
Na kiwa dang yoh thymme, 44 ngut toh kiwa da pyntikna daka Virus Research and Diagnostic Laboratory (VRDL) ka JNIMS katwa ki 20 ngut won da pyntikna daka VRDL ka RIMS ha Imphal, da pyntip da u State Health Department Spokesperson u Dr. Khoirom Sasheekumar Mangang.
Naki 449 ngut, 358 ngut toh kiwa dang em ya uni u khñiang katwa kiwa chait da em ki 91 ngut.
