Haka 12 tarik uni u bnai hadooh 137 ngut kiwa chitom Cancer da liwan ki cha Assam na Mumbai da ki Bus wei ya kini da pdiang yaki ha Sarusajai Stadium, Guwahti yow sylli yei chait i khiah yong ki kamjooh yow Test ki lada em ki ya u COVID-19.
Ynne ka sngi, neiliang u montri i chait i khiah ka jylla Assam u Himanta Biswa Sarma da pyntip u wa na kini kiwa liwan, 7 ngut da em ki ha Quarantine wa da chem wa da yoh ki ya u COVID-19.
Na kini ki 7 ngut, 3 ngut toh kiwa em Cancer, kawi ka khynnah (13 snem) wa chitom klongsnam wa 3 ngut won kiwa lai lang wa ki.
Wa kini, kiwa yoh COVID-19 ha Assam da em ki 86 ngut heiwa 39 ngut da chait, 2 ngut wa yap wa 44 ngut kiwa dang em (Active Case).
Discussion about this post