Ha chwa ini, ynne ka sngi da dep pynbna wa da em 8 ngut kiwa yoh COVID-19 hapoh ka jylla kiwa kynthup ya 1 ha Tura, 1 ha Ri-Bhoi wa 6 ngut ha East Khasi Hills, ynne i miet, neiliang u montri rangbah ka jylla u Conrad Sangma da pynbna u wa da em sa 8 ngut kiwa yoh COVID-19.
Kini ki 8 ngut kiwa dang yoh thymme toh 5 ngut ki chipai BSF wa em ha Shillong, 2 ngut na Ri-Bhoi wa sa 1 ha Shillong biang.
Wa kini, ha East Khasi Hills kiwa dang em ya u COVID-19 da em ki 24 ngut, ha Ri-Bhoi 14 ngut.
Ha waroh ka jylla, kiwa dang em ya u COVID-19 da ku ki cha 44 ngut katwa kiwa chait da em ki 43 ngut iwa da sdang boon kiwa dang em ya u COVID-19 bar ya kiwa da chait.
Waroh kiwa da yoh COVID-19 da em ki 88 ngut wa kyntup ya uwi wa yap.
Naki 16 ngut ynne ka sngi, 10 ngut toh ki BSF. Da dep Test leh ya 220 ngut ki High Risk Contacts ki BSF heiwa da chem ya kini ki 10 ngut kiwa em hapoh Quarantine.
