Kiwa yoh COVID-19 ha Manipur da poi ki cha 777 ngut ynne ka sngi hadien wa em sa 96 kiwa dang yoh ynne ka sngi, da pyntip ka chnat i chait i khiah.
Na kini ki 96 ngut, 64 ngut toh ki chynrang wa 32 ngut ki kynthai kiwa liwan na baar jylla wei da kit yaki cha ki thaw sumaar ka JNIMS wa RIMS, da pyntip chooh chooh u State Health Department Spokesperson u Dr. Khoirom Sasheekumar Mangang ynne i miet.
Na kini, 31 ngut toh na Tamenglong, 22 ngut na Kangpokpi, 13 ngut na Bishnupur, 12 ngut na Senapati, 6 ngut na Kamjong, 5 ngut na Kakching, 4 ngut na Ukhrul, na Imphal East da em 2 ngut wa 1 na Tengnoupal.
Wa kini, kiwa dang em COVID-19 hapoh ka jylla da em ki 545 ngut.
Ynne da em leh 14 ngut kiwa da chait kiwa 9 ngut wa chah sumaar ha RIMS 5 ngut ha JNIMS, hadien wa dep Test yaki arsien daka RT-PCR. Wa kini, kiwa chait da em ki 232 ngut.
