Ka Indian Embassy wa em ha ri Hungary da pyntip ko wa kitu ki nong India wa em ha Ukraine ye ki wow psiah chapoh ka ri Hungary wei da em leh kiwa nyngkong chi bhah kiwa da yoh wow psiah cha kani ka ri lyngba ka khappood Zahony-Uzhhorod.
Ya ini da leh deiwa phah ya ki bru ka Indian Embassy wow em ki ha Zahony, Hungary deiwa ya krehlang waka Consulate General ka Hungary wa em ha Uzhhorod, Ukraine yow pynsuk yei lai i wan ki nong India deiwa yabhah ya ki chi bhah chisien.
Ya kini da kit ya ki cha Budapest, Hungary yow liwan ki cha India lyngba ki lieñsuiñ ka Air India.
Da pyntip wa ha kani ka thaw khappood wow psiah cha Hungary da chah du deiwa pynemkaam da ki Bus wa ki Van wei ym chah wow lai dei kjat.
Kiwa poi ha ini i thaw hap ki wow rahlang yaka Passport wa dang krehkaam, Residence Permit, Student ID Card, Vaccination Card/Certificate.
Lada em kiwa da em chwa ha Kpp Tysa Border Crossing (i thaw khappood) wei da thmu ki wow lai chapoh ka Hungary dei bor yong ki, da phah ya kini wow lai ki cha Uzhhorod wei wow kynjoh ktien waka Hungarian Consulate General wa u Dr. Amrik Dhillon ka Uzhhorod National University (deiwa phone ha u +380 63 725 1523), u Ankur naka Embassy (036304644597). Kini daw yarap ki lada jia wa sahkut yow pyntikna leh wym hap wow sah miet cha lait.
Ye hi u psiah cha Hungary na kiwi ki thaw psiah khappood ya kitu kiwa em Indian Passport/Resident Permit/Schengen Visa/Vaccination Certificate deiwa lai ki dei yong ki hi tangwa jrong bha u laiñ wa hap yang wei ym em kiwa na India wow yarap lait noh ha Zahony-Uzhhorod.
Lada yoh ki wow psiah, emkaam ya ki wow lai bait ki sak cha Budapest da ki kari kamai wei em hi leh kiwi ki lieñsuiñ lait naka Air India wa ye ki u chim na Budapest.
Ha Budapest ye ki wow Phone cha u Sanjay Sharma, President BHS (+36305990509) wa u Radhe Lal, Attache Embassy of India (+36308644595).
Chooh chooh da pyntip leh wa ye ki nong India wa sahkut ha Ukraine wow lai cha ka ri Slovakia lyngba ka khappood Uzhhorod-Vysne Nemecke Border Crossing deiwa Phone leh ha u Manoj Kumar, Attache (Consular) (+421 908025212) wa u Ivan Kozinka (+421 908458724).
Kam wow pynkynmoo wa da em leh ki nong India wa da yoh u psiah cha ri Romania.
Puræ leh: Yoh ki 219 ngut ki nong India wa yut na Ukraine wow liwan
