Ka seiñ Meghalaya People United Front (MPUF) EJHD, hapoh i yahkhmat u President u Kyrshan Blah, wa u General Secretary, u Kmenlang Siangshai wa kiwi ki dkhot ynne ka sngi da lai e yarap ki da ki marbaam cha ki 25 tylli ki manyung ha Khliehriat East.
Neiliang u Kyrshan Blah hawa e yei klam da kyntu u ya kiwi ki seiñ wa em hapoh East Jaiñtia HiIlls wow tia ki chaphrang wow kyrchaan ya ki manyung wa emkaam yarap ha kam kini ki por wa em i khoom i kdoh neidaw ka khlam COVID-19.
Da ong u wa i em i khoom i kdoh ki paidbah ymye de ki wow lai khih lai kreh cha ki thaw wa lai khih mylla ki.
Chooh chooh da ong u wa ka seiñ daw tia ko chaphrang wow e yarap cha kiwi ki manyung neini chaphrang dei kyntu ya ki paidbah wow bood ryntih ya ki kyndon wa da booh ka sorkar lyngba ka chnat i chait i khiah khnang wow yada na uni u khñiang kjut COVID-19.
