Kat dang mih ki sngi i sahkut ki kari ha sor Jowai dang joor i wei ki sarok wa dang thymme leh dang mih ki, heiwa neiliang ka chnat PWD (Jowai South Division) khnang wow pynsuk wow pynkyllooid ya ka sor Jowai da sdang ko wow chna ya ka sarok na Mission Compound-Thomas Jones wa lai lyngba u KNB Road chadooh Thomas Jones Synod College tangwa i kreh da man iwa sahkut na ki kattu katni ki daw.
Ha kini ki tayaw wa dadep da sakhi wa i kreh ya ka yingkieñ hajan Thomas Jones Synod College da man iwa sdang.
Neiliang u Wyrta hawa yaklam wa u RD Pakyntein, u Executive Engineer ka PWD (Jowai South Division) da pyntip u wa kani ka yingkieñ kmai ko 5.5 Meter, jrong ko 10 Meter wei i jrong rynyieñ won ko man i kamwa 11 Meter wei i kreh ha kani ka yingkieñ da kynjoh i lut kamwa T. 80 lak.
Da pyntip u leh wa lada i kreh man i iwa lai bait da kyrmen wow ye wow pyndep ya kani ka yingkieñ hapoh u Wisu (Mar) 2023.
I kreh ya kani ka sarok da sdang i ha u 2016 wei da antaad wa i lut da kynjoh i cha ka T. 2,45,93,000 (kynthup ya ki ar tylli ki yingkieñ).
Puræ leh: Ki surok thymme wow pynduna yei khynnia ki surok ha Jowai
