Jowai: Ka Lok Sabha ha ka 21 tarik da rai ko wow pynchna ya ka aiñ Right to Education Act, 2009 yow e laad ya kiwa sikai ki wym pu biang kyrdan kamjooh ki wym pyndep ya ka B.El.Ed (Bachelor of Elementary Education) namo da ka D.El.Ed (Diploma in Elementary Education) hadooh ka 31-03-19 kam ka laad ka khaddooh yow lait ki u dooh yei kreh yong ki.
U Human Resource Development Minister, Prakash Javadekar da ong u wa boon ki skur kiwa sdang heipor wa pynheh yei krehkaam ka Sarva Shiksha Abhiyan (SSA) kamjooh heipor wa sdang ya ka RTE kamtæ da em ki skur wa thung ya kiwa sikai ki wym biang kyrdan. Da e por ya ki 5 snem yow puræ ki yow pynbiang ya ka kyrdan yong ki wei da boon wa leh yeini tangwa kamwa 5-6 Lak ngut kiwa sikai ha ki skur ki bru samen wa 2.5 Lak ngut kiwa sikai ha ki skur sorkar ym em leh ki ya ini, kamtæ da e laad ya ki sa chisien wow pyndep ki ya ini.
I pynbiang ya i kyrdan puræ kiwa sikai toh iwi na i thong ka sorkar pyrdi wow pynku ya ka puræ puthi hapoh ka ri waroh ka wi. Da sdang leh ya ki 32 tylli ki DTH Tv Channel wow e sikai ya kiwa sikai.
Neiliang u Bhartruhari Mahtab na ka BJD da ong u wa toh u e laad ya ki jar jiar ki jylla u booh yei por wa khaddoh u pyndep kiwa sikai ya ki B.El.Ed neibhah lada haap pynyinsur biang ya ka tarik pynboon kaam ko ya ka sorkar pyrdi.
U Javadekar da ong wa 90% kiwa sikai ki wym biang kyrdan toh em ki ha ki 8 tylli ki jylla wei daw chna da ki Task Force yow ye ki leh yeiwa emkaam.
Lada kyruiñ won cha ka jylla Meghalaya kiwa sikai ha ki kyrdan Elementary kiwa em palat 7 hajar ngut kiwa yaleh ya ka D.El.Ed nyngkong 2013-15 (First Batch) napoh ka NIOS hadooh katni hanlada la le sien da dep pynmih result ym pu em ye u pynbait ya ka hadooh wa da sepai i por kiwa sikai da em leh wa duna i yoh tulop ki neidaw waka NIOS ym ye ko u pynbait ya ka Result yong ki wei i por wa dang e thymme ka sorkar haddoh ka 31-03-19 ym yo tikna wa ka NIOS u ye ko u pyndep neibhah kiwa daw yaleh chooh ya ka D.El.Ed dang boon ki.
Discussion about this post