Sa chi sngi u chimpor yow pyndep pynkhooid ka PHE ya ki thaw pynlang umkor ha Jowai

Hadien wa jngut ka umkor wa pynpoi da ka chnat PHE ha chnong Jowai, neiliang u Wyrta da yoh u wow yaklam wa u sahep SDO kani ka chnat PHE Electrical Sub-Division, u Roskil Challam wow tip yei daw heiyatoh wa ini.

Neiliang u SDO da pyntip u wa i pynkhooid ya ki thaw pynlang um namo ki Segmentation Tank wa em ar tylli da sdang i nadooh ka 13 tarik uni u bnai wa em ha Oorkhla, Khimusniang hadien wa da yoo wa joor u slap tangwa yow lait u thut i pynpoi um cha ki paidbah ym pu em pynkhooid ya ka Cleat Water Tank wa em ha kani hi ka thaw.

Da khana u leh chirup deilang da pynkhooid ya ki thaw pynlang um namo ki Main Reservoir kiwa em ha Jowai Government Boys HS School wa ha Dongmihsngi, Jowai.

Related posts

Mih i pyrchah wa khut pynthymme kari ka JHTOA hapoh 4 sngi | Pynbaad wa leh da ki kattu katni donhi

November 19, 2025

Hapoh ka Constituency yong nga yoh hok ki paidbah ya ka MLA Scheme: Kyrmen Shylla

November 19, 2025

Da pyntip u leh wa i pynkhooid ya ki top wa em cha kiwi ki dong daw chimpor hadooh ka 24 tarik uni u bnai wei da kyrpaad u leh ya ki paidbah kiwa chaniah um na ka chnat wow man kiwa yaichah kat hadooh wa ye u pynkhooid lut ya i ktieh.

Ynne da wan sakhi leh ya ini i pynkhooid wa ki dkhot ka Khooid Ya Ka Myntdu hapoh i yahkhmat u President yong ka, u KL Pariat deiwa emalang kiwa yahkhmat ka chong Khimusniang, Chilliangraij wa kiwi kiwi.