Sa dei chah thngan wa khlem booh por yow pynneh ya u Arunkumar

Jowai : Hadien wa i yakhih wow chong pyrchah (Sit-in Demonstration) yei chah kyrriah kaam u Arunkumar Kembhavi kam u DC ka West Jaiñtia da man i iwa da kut da sdang won ka seiñ Meghalaya Peoples United Front sa da ka Signature Campaign næ wow pyllang yei soi pyrtuid ki paidbah wa pyrchah yei chah kyrriah ya u DC wei da pynman ya ka nadooh ka 19 tarik uni u bnai wei dang ptein ya ka.

Hadooh ynne ka sngi da soi hadooh 568 ngut ki paidbah na kylleiñ ka West Jaiñtia yei thmu ka sorkar wow kyrriah kaam ya Arunkumar.

Heijooh i por u president ka MPUF u Dapoiwanmi Laloo chirup wa uwi u dkhot u Bormi Phawa da sdang i sa ya i chah thngan wa khlem booh por, ha Iawmusiang, hajan ka office ka MTC.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Yeini i chah thngan da synran leh da ki manbei wa kiwi ki dkhot kiwa da rai wow chah thngan man ka sngi nadooh 11 waje i sngi hadooh 5:30 i janmiet.

U Dapoiwanmi da ong u wa ha ini i chah thngan u neh u sah wei u thiah ki ha ini i thaw wa da chna ya ka dara ha chrooh ka ophis ka MTC wa em ha Iawmusiang wei ym sangeh ki kat wym pyndam ka sorkar ya ka hukum kyrriah kaam ya u DC.

Ha ini i thaw da pynyieñ da seh leh ya ki placard kiwa beiñ ya ka sorkar wei kamjooh leh ki wa kyntu ya ka sorkar wow pyndam ya kani ka hukum.

“Kani ka chah thngan u leh deiwa khlem baam lait noh wow dih ya ka um hadooh wow man i ki paidbah kiwa jop” da pyntip u Dapoiwanmi.