Shillong: Ki le tylli ki seiñ wa kynthup ya ka HNYF, FKJGP wa RBYF da rai ki wow chong kyllaiñ mynngor hakhmat ka Additional Secretariat, Shillong yow pynbor ya ka sorkar wa ka toh u sangeh chwa ko yei chna ya ka luti rel. Kini ki le seiñ daw booh sngi ki leh wow lai yaklam wa ka sorkar heiyatoh wa ini i kaam.
Ya kani ka rai kini ki le seiñ wow kyrchaan yei pyrchah ka KSU da chim ha ka yalang kawa man ynne ka sngi.
U President ka FKJGP u Wellbirth Rani da ong u “i ki le seiñ u pynman yei pyrchah wow chna ya ka luti rel dei chong kyllaiñ mynngor ha ka 21 tarik ha khmat ka Additional Secretariat yow pynbor ya ka sorkar wow sangeh yei chna ya kani ka luti rel.”
Da ong u wa u Montri Rangbah ka jylla u Dr. Mukul Sangma da tyngkheiñ u yei kular neibhah da e laad wow chna ya ka luti rel neibhah nachwa da kular u ya ki seiñbhalang waka sorkar u pynkrehkaam chwa ko ya ki aiñ wow pait yei psiah i mih ki baarjylla.
Discussion about this post