Sa du iwa eh, kyntien ki waheh,
Kai diñ, chei kop wym kop chei plæh wym plæh;
Kat cha wa pait, wa khmied du i tynjooh,
Nadooh uwa yoh hadooh uwa dooh.
Kyruiñ u pait liang wa-nang,
Bru pyrthai kylleiñ sadu hei khih-klang;
Doom buit, budia wiarnar wiar luti,
Juk yi cha ma-ai kam kani?
Bru pyrthai har rukom du’i tynjooh,
Lada chong da jhieh, lada yeiñ takhooh;
Chi læm yoo i bha, chi læm yoo i sih,
Ym tip u ong, i dawai namo i bih?
Jaitbru ha pyrthai u Blai da booh,
Har rukom ki ñiam ya o wa thooh;
Jar i ngait niam wa ya pyntaw pynkhroo,
Jar ki rukom wa leh wa pynyoo.
Thyllen i jabieñ bru pyrthai u pyrkhat,
Katwa daboon ki stat pakhlat;
Dak kylli waheh uni ha i, juk yi cha kam kani?
Sa du iwa eh, wa eh, kyntien ki waheh.
Discussion about this post