Kam chibynta i pteiñ i kynmoo ya ka 34th National Road Safety Week/Month 2023 ha West Jaiñtia Hills District kawa da pynman da ka chnat Transport nadooh kini ki kajiak sngi chirup i krehlang wa ka yung krehkaam u Deputy Commissioner, Superintendent of Police, District Medical and Health Officer waka chnat Public Work Department, ha ka 30 tarik da pynman ki yei pynsñiawthooh paidbah sa ha Iawmusiang, Jowai heiyatoh wa ki kyndon wa hap bood hawa yah kari kamjooh hawa lai wa wan dei kjat.
Yei batai pynsñiawthooh hajrong ka phang Rroad Safety Traffic Rule da yoh na u S. Manner, OC ka Jowai Police Station, katwa hajrong i e First Aid wa kiwi ki rukom yarap ya ki bru wa chah tyrrah wa kiwa mynsoo da batai da ka Dr. O. Bareh na ka chnat i chait i khiah (DM&HO), da yoh leh i klam na u D. Pakma na ka West Jaiñtia Local Taxi Association, na u P. Lyngkot na ka All Jaiñtia Commercial Vehicle Association wa kamjooh na u District Transport Officer, Jowai, u E. Lyngdoh hajrong ka Road Safety.
Ya kani ka Road Safety Week daw pynkut myntu ka sngi wei ka phang yong ka toh “Sadak Shuraksha Jevan Raksha” “Road Safety-Safety to life”.
Ha kani ka sngi da em leh i chim smai neibynta u bood ya ki kyndon yah kari khang yow lait nei sahkut kari kamjooh leh u lait na iwon iwon i maa.
